Міністр інфармацыі павіншаваў калектыў РУП «Выдавецтва «Беларусь» са 105-годдзем з дня заснавання, паведамляе ведамства.
«Зберагаючы і развіваючы цудоўныя традыцыі айчыннага кнігадрукавання, рэалізуючы цікавыя, змястоўныя творчыя праекты, за доўгія гады свайго існавання выдавецтва стала сапраўдным гонарам беларускай культуры.
Захаванне і перадача нашчадкам праз мастацкае слова здабыткаў нашай гісторыі, літаратурных скарбаў краіны, беражлівыя адносіны да роднай мовы, з’яўляліся і з’яўляюцца адной з асноўных задач выдавецтва.
Выпускаючы якасную літаратуру і падтрымліваючы таленавітых аўтараў, выдавецтва ўносіць неацэнны ўклад у сферу кнігавыдання, садзейнічае ўсталяванню ў грамадстве лепшых каштоўнасцяў беларускага народа – прынцыпаў дабра, спагады, сумленнасці, патрыятызму, павагі да чалавека і яго працы, гонару за краіну.
Дзякуючы прафесіяналізму і адданасці выбранай справе вам гэта ўдаецца ў поўнай меры. Выдавецтва карыстаецца заслужаным прызнаннем як у чытачоў, так і ў пісьменніцкім асяроддзі.
Жадаю калектыву ўвасаблення ўсіх творчых задум, захопленых таленавітых аўтараў, натхнення ў працы».
